Astanada joldy sapasyz jóndegen merdigerler óz qarajaty esebinen qaıta jóndeıdi

ASTANA. KAZINFORM – Elordada joldy sapasyz jóndegen merdigerler anyqtaldy. Bul týraly qala ákimdiginiń baspasóz qyzmeti málimdedi. 

Qar erip, jer qaraıǵandyqtan Astana kóshelerindegi joldardyń sapasy tekserilgen. Nátıjesinde 2021-2022 jyldar aralyǵynda jóndelgen qara joldardan aqaý shyqqany belgili bolyp otyr. 

Tizim kelesideı: 

1. Jetigen kóshesi A. Pýshkın kóshesinen J. Dosmuhameduly kóshesine deıin — «Sotıs grýpp» JShS;

2. A. Imanov kóshesiniń boıynda A. ıAnýshkevıch kóshesinen Sh. Ýálıhanov kóshesine deıin — «Aııa Servıs» JShS;

3. Alash tas joly jol ótpesinen Jolymbet kóshesine deıin — «Aııa Servıs» JShS;

4. Máńgilik El dańǵyly M1 kópirinen Buqar jyraý kóshesine deıin — «Kompanııa Energodor» JShS;

5. Qabanbaı batyr dańǵyly boıynda Saraıshyq kóshesinen Qorǵaljyn tas jolyna deıin — «Sotıs grýpp» JShS;

6. Jeńis dańǵyly boıynda Esenberlın kóshesinen Bógenbaı batyr dańǵylyna deıin — «Sotıs grýpp» JShS;

7. R. Qoshqarbaev dańǵyly boıynda Qordaı kóshesinen M. Tólebaev kóshesine deıin — «Sotıs grýpp» JShS;

8. Eńlik Kebek kóshesiniń boıynda Sultan Beıbarys kóshesinen Bolashaq kóshesine deıin — «REKMA KZ» JShS.

«Osy atalǵan kompanııalar óz qarajaty esebinen joldardy qaıta jóndeıdi» — delingen habarlamada.  

Ákimdiktiń baspasóz qyzmeti habarlaǵandaı, bıyl shaharda uzyndyǵy shamamen 60 shaqyrym bolatyn 50-den asa kóshe jóndeledi.