Astanada jolaýshylardyń júıkesin tozdyrǵan taksı júrgizýshisi jazalandy
ASTANA. QazAqparat - Astanadaǵy halyqaralyq áýejaıdyń kóliktik polıtsııa qyzmetkerleri óziniń qyzmetin usyný arqyly jolaýshylardyń mazasyn ala bergen taksı júrgizýshisin ákimshilik jaýapkershilikke tartty, dep habarlaıdy QazAqparat tilshisi Kóliktegi ІІD baspasóz qyzmetine silteme jasap.
Quqyq buzýshyǵa qatysty QR ÁQBtK 449-baby 2-bóligi boıynsha ákimshilik hattama toltyrylǵan.
Astana qalasynyń mamandandyrylǵan aýdanaralyq sotynyń sheshimimen taksı júrgizýshisi 10 AEK (24 050 teńge) aıyppul óteýge mindetteldi.
Aıta keterligi, bul azamat buryn da QR ÁQBtK-niń atalmysh babymen jazalanǵan. Belgili bolǵandaı, quqyq buzýshy zańbuzýshylyqqa tórtinshi ret jol berip otyr. Beımaza taksı júrgizýshisin aıyppuldar men eskertýler toqtatar emes.
Kóliktegi ІІD men vedomstvonyń jelilik bólimsheleri 9 aıdyń ishinde 236 zańsyz taksı júrgizýshisin jazalaǵan.
