Astanada Jolaýshylar tasymaly basqarmasynyń basshysy 2,1 mln teńge paramen ustaldy
ASTANA. QazAqparat - 28 shildede Astana qalasy boıynsha Ulttyq sybaılas jemqorlyqqa qarsy is-áreket departamenti kásipkerlerden jalpy somasy 2,1 mln teńge para alý (2 márte) kezinde elordalyq ákimdiktiń Jolaýshylar tasymaly basqarmasynyń basshysy E.N. Súleımenov qylmys ústinde ustaldy.
Ulttyq bıýronyń baspasóz qyzmetiniń habarlaýynsha, birinshi jaǵdaıda jasandy joldyń kedir-budyryn jóndeý boıynsha oryndalǵan jumys aktilerine qol qoıǵany jáne kásipkerdiń josyqsyz jetkizýshiler tizilimine engizilmeýi úshin olar deldal arqyly 1,5 mln teńge alǵan.
Sol kúni Súleımenov aıaldama pavılondaryn syrlaý jáne jýý boıynsha oryndalǵan jumys aktilerine qol qoıǵany úshin para túrinde taǵy 600 myń teńge alǵan.
Ár jaǵdaıda zańsyz syıaqy mólsheri buryn utyp alǵan memlekettik satyp alý konkýrstarynyń somasynan 10 paıyz bolǵan.
«Ustalǵan Súleımenov Astana qalasy ІІD UÝI qamaldy. Qazir sot aldy tergeý júrgizilýde», delingen habarlamada.
