Astanada jolaýshylar shaǵyn avtobýsy órtendi
ASTANA. QazAqparat - Búgin, 23 shildede tańǵy saǵat 09.28 kezinde Astana qalalyq TJD Órt sóndirý qyzmetiniń «101» pýltine Pýshkın kóshesi, 9 mekenjaıy boıynsha shaǵyn avtobýstyń órtke oranǵany jaıly habarlama kelip tústi, dep habarlaıdy elordalyq TJD-iniń baspasóz qyzmetinen.
«Órt sóndirýshiler oqıǵa ornyna jetkende №109 avtobýs órtenip jatty. Jolaýshylar órt sóndirýshiler kelgenshe avtobýstan shyǵyp úlgergen», delingen habarlamada. Alǵashqy órt bólimshesi oqıǵa ornyna 4 mınýttan keıin keldi. Qazir olar sol jerde jumystar júrgizýde. Jalyndy aýyzdyqtaýǵa 2 tehnıka, jeke quramnan 9 adam jumyldyryldy. Qurbandar men zardap shekkender joq. Órttiń shyǵý sebepteri anyqtalýda.
