Astanada jolaýshylar kóligi táýlik ishinde 700 myń adamdy tasymaldaıdy
ASTANA. 10 qańtar. QazAqparat - Astanada kún saıyn 700 myń adam avtobýspen júredi.
Bul týraly astana.kz saıty qalalyq Jolaýshylar kóligi jáne avtomobıl joldary basqarmasyna silteme jasap habarlaıdy.
«Qalada barlyǵy 8 avtopark, 941 avtobýs bar. Biz táýligine 669 myńǵa jýyq jolaýshyny tasymaldaımyz. Bul óte jaqsy kórsetkish, bizdiń josparymyz - 2017 jylǵa deıin ony bir mıllıon eki júz myńǵa jetkizbekpiz, ıaǵnı 2 ese arttyrýdy kózdep otyrmyz», - deıdi qalalyq Jolaýshylar kóligi jáne avtomobıl joldary basqarmasynyń basshysy Rashıd Amanjolov.
Onyń aıtýynsha, bıyl Astana gazben júretin jańa 350 avtobýs satyp alady. Olar múmkindigi shekteýli jandardy tasymaldaýǵa beıimdeletin bolady.
«2014 jyly 350 jańa avtobýs satyp almaqpyz, sonyń ishinde 20% 18 metrlik uzyn avtobýstar. Bári de gazben júredi», - dedi R. Amanjolov.
Munymen qosa Astanada 2016 jyly BRT (arnaıy salynǵan joldarmen jyldam júretin baǵyttyq avtobýstar) jobasynyń birinshi jelisi júzege asyrylady.
