Astanada jolaýshylar avtobýsyndaǵy kondýktor áıeldi soqqyǵa jyqqandar ustaldy
ASTANA. QazAqparat - Elordalyq polıtseıler jolaýshylar avtobýsynyń ishindegi kondýktordy uryp-soqqan eki er adamdy ustady.
«Avtobýsqa alkogoldik ishimdik iship, mas kúıinde otyrǵan olar kondýktordy balaǵattap, odan keıin ony soqqyǵa jyqqan. Buzaqylardy jol-patrýldik polıtsııa qyzmetkerleri ustady. Júrgizilgen sharalar barysynda ustalǵan 30 jáne 32 jastaǵy er adamdardyń Aqmola oblysynyń týmalary bolyp shyqqany, buryn qylmystyq jaýapkershilikke tartylǵany anyqtaldy», - dep habarlady Astana qalalyq ІІD-niń baspasóz qyzmetinen.
Qazirgi kezde olar ýaqytsha ustaý oqshaýlaǵyshyna qamaldy. Atalǵan faktimen QR QK-niń 293-baby (Buzaqylyq) boıynsha qylmystyq is qozǵaldy. Sot aldyndaǵy tergeý amaldary júrgizilýde.
