Astanada jolaýshylar avtobýsynan órt shyqty

NUR-SULTAN. QazAqparat – QR Tótenshe jaǵdaılar mınıstrligi elordada kóshe ortasynda órt shyqqan avtobýsqa qatysty málimet berdi, dep habarlaıdy QazAqparat.

«27 shilde kúni saǵat 14.45-te órt sóndirý bólimsheleri Kereı-Jánibek handar kóshesi men Túrkistan kóshesinde janyp jatqan avtobýs týraly túsken habarlama boıynsha shaqyrtýǵa shyqty.

Oqıǵa ornyna jetken boıda marshrýttyq avtobýstyń qozǵaltqysh bóligi janyp jatqany anyqtaldy.

Órt 14.58-de sóndirildi. Qaza bolǵandar men zardap shekkender joq. Órtti sóndirýge Nur-Sultan qalalyq Tótenshe jaǵdaılar departamentiniń jeke quramynan 5 adam men 1 tehnıka jumyldyryldy», - delingen usynylǵan habarlamada.