Astanada jolaýshylar avtobýsy jol apatyna ushyrady
ASTANA. QazAqparat - Astanada jolaýshylar avtobýsynyń qatysýymen jol-kólik oqıǵasy oryn alǵan.
«Tańǵy saǵat 7-niń shamasynda «Gazel» kóliginiń júrgizýshisi Bógenbaı batyr dańǵylymen Sarybulaq kóshesine qaraı baǵyttap, jolda tıisti shetki jaqqa shyqpaı, oń jaqqa burylyp jatqanda, Bus line-men ózimen baǵyttas kele jatqan MAN markaly 76-shy baǵdarly avtobýspen soqtyǵysty», - dep habarlady Astana qalalyq ІІD ákimshilik polıtsııasy basqarmasynan.
Soqtyǵysqannan keıin avtobýstyń júrgizýshisi turaqqa qoıylǵan «Toıota» kóligin basyp, odan keıin jarnama qalqany tiregine soǵyldy, sonyń saldarynan ol qasynda turǵan «Gazel» kóliginiń ústine qulaǵan.
Soqtyǵysý saldarynan eshkim zardap shekken joq. Medıtsınalyq kýálandyrý qorytyndylary boıynsha, «Gazel» júrgizýshisiniń alkogoldik ishimdik ishpegeni anyqtaldy.
Jol-kólik oqıǵasy faktisi boıynsha QR Ákimshilik quqyq buzýshylyqtar týraly kodeksiniń 610-baby (Kólik quraldary júrgizýshileriniń kólik quraldarynyń nemese ózge múliktiń búlinýine ákelip soqtyrǵan jol qozǵalysynyń ornatylǵan qaýipsizdik erejelerin saqtamaý) boıynsha ákimshilik óndiris qozǵaldy. Ol 10 AEK kóleminde aıyppul tóleýdi nemese toǵyz aı merzimge kólik quralyn basqarý quqyǵynan aıyrýdy qarastyrady.
