Astanada jolaýshylar avtobýsy teplovozǵa soǵyldy
ASTANA. QazAqparat – Elordada №30 baǵdardaǵy qoǵamdyq kólik teplovozǵa soǵyldy, dep habarlaıdy QazAqparat tilshisi CTS kompanııasynyń baspasóz qyzmetine silteme jasap.
31 tamyz, saǵat 21:40-ta Taıburyl kóshesinen Úshqońyr kóshesi baǵytyndaǵy ótkelde №30 qoǵamdyq avtobýstyń júrgizýshisi jol erejesin buzyp (temirjol ótkelindegi jol belgileriniń talaptaryn saqtamaý jáne baǵdarshamnyń tyıym salatyn belgisin elemeý), teplovozben soqtyǵysty
, - delingen habarlamada.
Aqparatta aıtylǵandaı, avtobýs júrgizýshisine qatysty ákimshilik hattama toltyryldy. Zardap shekkender joq.
Júrgizýshiniń jolaýshylar kóligi salasyndaǵy eńbek ótili – 30 jyl. №1 avtobýs parkinde 10 jyl jumys isteıdi. Reıs aldynda (saǵat 05:30-da) medıtsınalyq tekserýden ótken. Júrgizýshi raznarıadqa sáıkes, demalys kúninen keıin 1-shi kún jumysqa shyqqan. Jolaýshylar zardap shekken joq. Júrgizýshi jumystan shettetilip, CTS kompanııasynyń biliktilik ortalyǵyna qaıta daıarlaýǵa jiberildi
, - dep tolyqtyrdy atalǵan mekemeden.
