Astanada jolaýshylar avtobýsy órtendi
ASTANA. QazAqparat - Astanada №13 baǵyttaǵy jolaýshylar avtobýsy órtendi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
"21 naýryz kúni saǵat 16:25-te Astana qalasynyń TJD "101" pýltine 188 kóshedegi №10 emhana mańynda №13 baǵyttaǵy jolaýshylar avtobýsynyń órtenýi týraly aqparat kelip tústi. Oqıǵa ornyna barǵan órt bólimsheleri órtti 16:37-de toqtatyp, 16:39-da tolyq sóndirdi. Odan eshkim zardap shekken joq", - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Tilsiz jaýdy sóndirýge astanalyq TJD 6 qyzmetkeri men 1 tehnıkasy jiberilgen.
