Astanada jolaýshylar avtobýsy aıaldamaǵa baryp soǵyldy
ASTANA. QazAqparat - Elordada qoǵamdyq kólikterdiń biri aıaldama pavılonyna soǵyldy, dep habarlaıdy QazAqparat tilshisi «Astana LRT» kompanııasynyń baspasóz qyzmetine silteme jasap.
«2019 jyldyń 5 aqpanynda qalalyq baǵdardaǵy avtobýs júrgizýshisi Qosshyǵululy kóshesindegi aıaldama ornyna jaqyndaı bere kólikti basqara almaı, jabyq tıptegi aıaldama pavılonyna soǵyldy», - delingen kompanııanyń habarlamasynda.
Aldyn ala boljam boıynsha, jol-kólik oqıǵasyna jerdiń taıǵaqtyǵy sebep bolǵan.
«Astana LRT» kompanııasynan habarlanǵandaı, jol-kólik oqıǵasy saldarynan bir jolaýshy zardap shekken. Ol №2 qalalyq aýrýhanaǵa jetkizilgen. Aldyn ala aqparat boıynsha, jolaýshy jeńil jaraqat alǵan.
Foto: elorda.info
