Astanada jolaýshy qoǵamdyq kóliktegi janjaldy vıdeoǵa túsirip aldy

ASTANA. QAZAQPARAT - Astanadaǵy qoǵamdyq kólikte bolǵan janjaldy kýágerler vıdeoǵa túsirip, áleýmettik jelide taratty.

Rolıkte ornynan júrmeı turyp alǵan avtobýstyń júrgizýshisi men kondýktordan jolaýshylardyń jol aqysyn qaıtarýdy talap etkeni kórinip tur. Al júrgizýshi men kondýktor asyǵyp jatqan jolaýshylarǵa avtobýs salonynda ilýli turǵan grafıkti nusqap, «ýaqyt bolǵanda ǵana» ornynan qozǵalatynyn aıtqan. Biraq olardyń sózine qanaǵattanbaǵan  jolaýshylardyń biri oqıǵany vıdeoǵa túsire bastaǵan.

Júrgizýshi odan vıdeoǵa túsirýdi toqtatýyn talap etken, al avtobýs nómirin túsirý úshin shyqqanda kólik kenet qozǵalyp, ony soǵyp ótken.

«Avtobýs júrgizýshisi jolaýshyny qaǵyp ótti», - deıdi kadr artyndaǵy sóz ıesi.

Oqıǵa elordaǵy ІІM ǵımaratyna qarama-qarsy aıaldamada bolǵan.