Astanada jolaýshylar avtobýsy aıaldamaǵa soǵyldy

ASTANA. KAZINFORM — Polıtsııa departamentiniń málimetinshe, jol-kólik oqıǵasy 18 naýryz kúni Seıfýllın kóshesinde bolǵan. 

Áleýmettik jelilerdegi aqparatqa sáıkes, aıaldama № 10 emhana mańynda ornalasqan.

Oqıǵa kezinde avtobýs júrgizýshisi aıaldamaǵa jaqyndaǵanda kólik tizginine ıe bola almaı, aıaldama qurylymyna soǵylǵan.

— Jol-kólik oqıǵasy saldarynan zardap shekkender joq. Júrgizýshi ákimshilik jaýapkershilikke tartyldy, — dep habarlady Astana qalalyq polıtsııa departamentiniń baspasóz qyzmeti.

Polıtsııa ókilderi júrgizýshilerge jol qozǵalysy erejelerin saqtaýdy, jyldamdyq rejımin buzbaýdy jáne qoǵamdyq kólik aıaldamalary mańynda barynsha saq bolýdy eskertti.

Buǵan deıin Túrkistan oblysynda áıel júrgizýshi eki balany qaǵyp ketkenin jazǵan edik.