Astanada jolaqynyń qymbattaýy: Satylatyn elektrondy kartalardyń sany artty
ASTANA. QazAqparat - «Astana LRT» kompanııasy qosymsha 500 myń elektrondy tólem kartalaryn satyp aldy, dep habarlaıdy QazAqparat tilshisi.
«Saralanǵan tarıftiń engizilýimen kóliktik kartalardy satyp alýshylar sanynyń artatyny kútilýde. Barlyq jolaýshylarǵa jetkilikti bolýy úshin qosymsha 500 myń kóliktik kartalardy satyp aldyq», - dedi kompanııanyń baspasóz hatshysy Naýat Azanbaeva.
Eske sala keteıik, Astana qalasynyń ákimi Áset Isekeshev jeńildik berilgen sanatqa jatatyn azamattar úshin kóliktik kartalardy satyp alý merzimin 1 shildege deıin uzartty.
Budan buryn habarlanǵandaı, satyp alýshylardyń kóbeıýine baılanysty Astana kondýktorlary kóliktik kartalardy avtobýstardyń ishinde satatyn bolady.
Búginde Astanada avtobýspen júrý qunyn kóterý máselesi qaralyp jatyr. Atap aıtqanda, «Astra Plat» elektrondy tólem kartasy boıynsha jolaqy baǵasyn - 120 teńgege, al qolma-qol aqshamen 170-200 teńgege arttyrý josparlanǵan.
Bul qyzmet sapasyn arttyrý, kóleńkeli aınalymdy tómendetý, avtobýstardy kútý ýaqytyn azaıtý jáne avtobýstar parkin jańartý úshin jasalýda.
