Astanada jolaqy tólemegen 7 myń jolaýshyǵa 30 mln teńge aıyppul salyndy
ASTANA.QazAqparat - Aǵymdaǵy Astanada avtobýsta jolaqy tólemegen 7 myń jolaýshyǵa 30 teńge aıyppul salyndy. Bul týraly búgin brıfıng barysynda «Astana LRT» Kóliktik baqylaý departamentiniń basshysy Saıat Shaımerdenov aıtty, dep habarlaıdy QazAqparat tilishisi.
«Jyl basynan beri jergilikti polıtsııa qyzmetiniń mamandary qoǵamdyq kólikte jolaqysyn tóleýden jaltarǵan shamamen 7 myń jolaýshyny ákimshilik jaýapkershilikke tartty. Salynǵan aıyppul somasy shamamen 30 mln teńgeni quraıdy. Tasymaldaýshylarǵa qatysty da ákimshilik sharalar qabyldanady. Búgingi kúni Jergilikti polıtsııa organdary jibergen materıaldardyń negizinde júrgizýshiler quramyna da sharalar qabyldanyp, shamamen 900 avtobýs júrgizýshisi ákimshilik jaýapkershilikke tartyldy. Salynǵan aıyppul kólemi shamamen 12 mln teńgege jetip otyr»-, dedi ol.
Al «AstanaLRT» kólik mamandarynyń biliktiligin arttyrý ortalyǵynyń dırektory Jeńis Jalbyrdyń aıtýynsha, barlyq júrgizýshiler jol qozǵalysy erejesi men tasymaldaý erejesin buzǵany úshin aıyppul tólegen.
«Tasymaldaý erejesinde talaptar oryndalmaǵan jaǵdaıda olardyń Ákimshilik quqyq buzýshylyq týraly kodekske sáıkes ákimshilik jaýapkershilikke tartylatyndyǵy kózdelgen. Búgingi kúni joldyń qarsy betine shyǵyp ketkeni úshin qoǵamdyq kóliktiń 7 júrgizýshisi ákimshilik sot sheshimimen júrgizýshi quqyǵynan aıyryldy. ıAǵnı, ózimizdegi vıdeo kameralardyń kómegimen buzýshylyq tirkelip, materıal ákimshilik shara qabyldaný úshin Jergilikti polıtsııa qyzmetine jiberiledi», - dedi ol.
