Astanada jolaqy 100 teńgege kóterilmek
ASTANA. QazAqparat - Búgin Astana qalasy Jolaýshylar kóligi jáne avtomobıl joldary Basqarmasy Astana qalasyndaǵy jol júrý tarıfi jóninde qoǵamdyq tyńdaý ótkizdi. Otyrysta qozǵalǵan másele jaıynda tolyǵyraq astana.gov.kz saıty jazady.
Ondaǵy derekterge súıensek, 2008 jyldan beri dızel otynynyń 1 lıtri 75 teńgeden 115 teńgege deıin, ıaǵnı 65%-ǵa ósken. Tasymaldaýshylardyń qosalqy bólshekter men materıaldarǵa shyǵyny 80%-ǵa artqan. Al, elorda turǵyndarynyń ortasha jalaqysy 91,2 myńnan 146,9 myń teńgege deıin, ıaǵnı 61,1%-ǵa kóterilgen. Jolaqy quny bolsa 2008 jyldan beri ózgerissiz qalýy sebepti búginde bul salany damytýǵa qarjy jetispeıdi.
Osy sebepti Jolaýshylar kóligi jáne avtomobıl joldary basqarmasy basshysynyń orynbasary Ábdihamıt Tamabaev: «Qalalyq qoǵamdyq kóliktiń turaqty jumysyn qamtamasyz etý úshin qoǵamdyq kólikte bir rettik jolaqy qunyn eresekter úshin 100 teńge, balalar úshin 40 teńge kóleminde belgileý qajet dep sanaımyz», - dedi.
