Astanada jol jumystarynan 11 avtobýs baǵytyna ózgeris engizildi
ASTANA. QazAqparat – Astanada jol jóndeý jumystaryna baılanysty 11 qoǵamdyq kólik aıaldamalarǵa toqtaý kestesin ózgertti, dep habarlaıdy QazAqparat «City Transportation Systems» JShS-ǵa silteme jasap.
«Qurmetti jolaýshylar! Jol jóndeý jumystary aıaqtalǵanǵa deıin №12, 26, 32, 35, 46, 50, 53, 54, 300, 305 jáne 312-baǵdarlary Qorǵaljyn tasjolynan Saraıshyq kóshesine qaraı baǵytta, Turan dańǵylyndaǵy «KeruenCity» jáne «Saryarqa» saýda, oıyn-saýyq ortalyqtary aıaldamalaryna ýaqytsha toqtamaıdy.
Qozǵalys syzbasymen tómendegi sýrette tanys bolýǵa bolady.
Buǵan deıin habarlaǵanymyzdaı, jol jumystaryna baılanysty 10-20 maýsym aralyǵynda Turan dańǵylynyń Saraıshyq kóshesinen bastap Qorǵaljyn tasjolyna deıingi ýchaskesi kólik qozǵalysy úshin ishinara jabyq bolady.
Sondaı-aq 20 maýsymǵa deıin Máńgilik el dańǵylynyń Á.Kekilbaev kóshesinen F.Ońǵarsynova kóshesine deıingi ýchaskesinde qozǵalys shekteledi.
Al 16 maýsymǵa deıin Jánibek Tarhan kóshesiniń Asan Qaıǵy kóshesinen Ahmet Jubanov kóshesine deıingi aralyǵy tolyǵymen jabylady.
