Astanada jol jóndeýge baılanysty keıbir avtobýs baǵyttarynyń qozǵalys syzbasy ózgeredi
ASTANA. QazAqparat - Astana qalasynda jol jóndeý jumystarynyń júrýine baılanysty aǵymdaǵy jyldyń 15 sáýirinen 15 mamyryna deıin keıbir avtobýs baǵyttarynyń jol qozǵalysy syzbalary ýaqytsha ózgeredi, dep habarlaıdy astana.gov.kz .
26 sáýirden bastap 10 mamyr aralyǵynda, Qabanbaı batyr dańǵylynan Saýran kóshesine deıin Kereı-Jánibek handar kóshesin jabý:
№ 50 baǵdar - «Bal bala» b/b» bastapqy aıaldamasynan «Qan ortalyǵy» aıaldamasyna deıin ózgerissiz, ary qaraı solǵa Qabanbaı batyr dańǵylyna- ońǵa Syǵanaq kóshesine - solǵa Saýran kóshesine - ary qaraı bekitilgen qozǵalys syzbasy boıynsha. Keri baǵytta uqsas.
№ 60 baǵdar - «Stroımart» Gıpermarketi» bastapqy aıaldamasynan Saýran kóshesindegi «Almaty» TK» aıaldamasyna deıin ózgerissiz - ary qaraı ońǵa Syǵanaq kóshesine - solǵa Qabanbaı batyr dańǵylyna - onǵa jergilikti ótpe jolǵa - solǵa Turan dańǵylyna - solǵa Kereı-Jánibek handar kóshesine - solǵa Qabanbaı batyr dańǵylyna - ońǵa Syǵanaq kóshesine - solǵa Saýran kóshesine - ary qaraı bekitilgen qozǵalys syzbasy boıynsha.
№ 61 baǵdar - «№ 81 mektep-lıtseıi» bastapqy aıaldamasynan bastap «Qan ortalyǵy» aıaldamasyna deıin ózgerissiz, ary qaraı solǵa Qabanbaı batyr dańǵylyna - ońǵa Almaty kóshesine - ary qaraı bekitilgen qozǵalys syzbasy boıynsha. Keri baǵytta uqsas.
10 mamyrdan bastap 15 mamyr aralyǵynda, Qabanbaı batyr dańǵylyn jabý, Syǵanaq kóshesinen Almaty kóshesine deıin:
№№ 10, 12, 27, 37 baǵdarlar - «Temir jol vokzaly» aıaldamasynan bastap «Kardıologııalyq ortalyq» aıaldamasyna deıin ózgerissiz - ary qaraı ońǵa Syǵanaq kóshesine - solǵa Turan dańǵylyna - solǵa Kereı-Jánibek handar kóshesine - ońǵa Qabanbaı batyr dańǵylyna - ary qaraı bekitilgen qozǵalys syzbasy boıynsha.
№№ 302, 303, 308, 309 - «Kardıologııalyq ortalyq» («Azııa park» OSO) bastapqy aıaldamasy - solǵa Syǵanaq kóshesine - ońǵa Saýran kóshesine - ońǵa Kereı-Jánibek handar kóshesine - solǵa Qabanbaı batyr dańǵylyna - ary qaraı bekitilgen qozǵalys syzbasy boıynsha.
