Astanada jol jóndeý jumysyna baılanysty birneshe kóshe ýaqytsha jabylady
ASTANA. QazAqparat – Qalalyq PD ákimshilik polıtsııa basqarmasynyń kelisimi boıynsha jol qozǵalysy qaýipsizdigin qamtamasyz etý úshin Dostyq kóshesinde jáne Oqjetpes pen Medeý kósheleriniń qıylysynda jóndeý júrgizilip jatyr, dep habarlaıdy QazAqparat elorda ákimdiginiń resmı saıtyna silteme jasap.
Jol tósemin jóndeý Dostyq kóshesinde Qabanbaı batyr dańǵylynan Máńgilik El dańǵylyna deıingi ýchaskede júrgiziledi.
Osyǵan baılanysty 29 shilde kúni Máńgilik El dańǵylynan Aqmeshit kóshesine deıingi ýchaskede kólik qozǵalysy ishinara jabylatyn bolady.
Sol sııaqty 30 shilde kúni Dostyq kóshesiniń Saýran kóshesinen Aqmeshit kóshesine deıingi aralyǵy tolyǵymen jabylady.
Budan basqa, bıyl 29-30 shilde kúnderi Oqjetpes jáne Medeý kósheleriniń qıylysynda kólik qozǵalys tolyǵymen jabylatyn bolady.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
