Astanada jol jóndeý jumysyna baılanysty 10 avtobýstyń marshrýty ózgerdi
NUR-SULTAN. QazAqparat – Nur-Sultan qalasynda birden 10 avtobýs júrý baǵytyn ózgertti, dep habarlaıdy QazAqparat City Transportation Systems kompanııasyna silteme jasap.
Mekeme usynǵan málimetke sensek, Saraıshyq kóshesi men Máńgilik el dańǵylynyń qıylysyndaǵy kólik aıryǵynyń oń jaqqa qaraı shyǵý jolynda jol jóndeý jumystary júrip jatyr.
Osyǵan baılanysty, №№ 15, 15A, 19, 29, 29A, 30, 40, 47, 51, 56 baǵdarlarynyń Baýyrjan Momyshuly baǵytyndaǵy qozǵalys syzbasy ýaqytsha ózgeredi.
«Baǵdarlardyń ózgergen qozǵalys syzbasymen myna siltemeden qarap tanysa alasyzdar. Óz marshrýtyńyzdy aldyn ala josparlaýdy suraımyz» dep málim etti kompanııadan.
