Astanada jol jóndeý jumystaryna baılanysty avtokólikter qozǵalysy shekteledi - Astana qalasy ІІD Jol polıtsııa basqarmasy
ASTANA. Mamyrdyń 21-i. QazAqparat - Búgin jáne erteń elordada jol jóndeý jumystaryna baılanysty keıbir kóshelerdegi avtokólik qozǵalystary shekteletin bolady. Bul týraly Astana qalasy jol polıtsııasy basqarmasynyń baspasóz qyzmeti habarlady.
«Asfalt tóseý jumystaryna baılanysty juma, mamyrdyń 21-i kúni saǵat 22.00-den tańǵy saǵat 7-ge deıin Saryarqa dańǵyly - Kensary kóshesi qıylysynda, Saryarqa dańǵyly -Abaı dańǵyly qıylysynda, sondaı-aq Saryarqa dańǵyly men Abaı dańǵylynan bastap Kenesary kóshesine deıingi aýmaqtarda ishinara kólik qozǵalysy toqtatylady» , - delinedi taratylǵan habarlamada.
Sonymen qatar, mamyrdyń 22-i kúni saǵat 13.00-den kelesi kúngi tańǵy saǵat 07.00-ge deıin Seıfýllın kóshesi-Saryarqa dańǵylyndaǵy jol tolyǵymen jabylady.
Osy demalys kúnderi sol jaǵalaýǵa qaraı bet alǵan júrgizýshilerge Saryarqa dańǵylyn aınalyp ótýge keńes beriledi.
«Aınalyp ótýge myna marshýrt usynylady: Respýblıka dańǵyly-Táshenov kóshesi-Orynbor kóshesi nemese Ýálıhanov kóshesi -Táýelsizdik dańǵyly - Baýyrjan Momyshuly kóshesi - M 1 kópiri», - dep habarlady jol polıtsııasynan.
