Astanada jol jóndeý jumystaryna baılanysty taǵy bir kóshe jabyldy
Astanada Uly Dala dańǵylynan J. Moldagalıev kóshesine deıingi ýchaskede Sh. Aıtmatov kóshesiniń ekinshi qabatyn salý boıynsha jumystardyń bastaldy. Bul týraly Astana qalasy ákimdigi habarlady.
— Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Uly Dala dańǵylynan J. Moldagalıev kóshesine deıingi ýchaskede Sh. Aıtmatov kóshesiniń ekinshi qabatyn salý boıynsha jumystardyń bastalǵany týraly habardar etedi, — delingen habarlamada.
Osyǵan baılanysty, aǵymdaǵy jylǵy 11 men 27 mamyr aralyǵynda kórsetilgen ýchaskede qozǵalys ishinara jabylatyn bolady.
Osy ýaqytta avtokólik quraldarynyń qozǵalysy eki baǵytta bir jaǵynan kezeń-kezeńimen uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen ákimdik habarlamasynda.
Aıta ketelik Astanada Respýblıka men Abaı dańǵyldarynyń qıylysy ýaqytsha jabylǵan edi.