Astanada jol jóndeý jumystaryna baılanysty qaı kósheler jabylady
ASTANA. KAZINFORM – Ál-Farabı dańǵylynan Qabanbaı batyr dańǵylyna deıingi ýchaskede Uly Dala dańǵyly jáne A. Pýshkın kóshesinen Manas kóshesine deıingi ýchaskede Abylaı han dańǵyly boıynsha jol jóndeý jumystary bastaldy.
— Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Ál-Farabı dańǵylynan Qabanbaı batyr dańǵylyna deıingi ýchaskede Uly Dala dańǵylynyń ortasha jóndeý boıynsha jumystardyń bastalǵany týraly habardar etedi, — delingen ákimdik habarlamasynda.
Osyǵan baılanysty 25 sáýir men 3 mamyr aralyǵynda kórsetilgen ýchaskede qozǵalys ishinara jabylady.
Bul rette qozǵalys taraptardyń biri boıynsha eki baǵytta da uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Sonymen qatar A. Pýshkın kóshesinen Manas kóshesine deıingi ýchaskede Abylaı han dańǵylyn ortasha jóndeý boıynsha jumystary bastaldy.
Osyǵan baılanysty 26 sáýir men 6 mamyr aralyǵynda kórsetilgen ýchaskede qozǵalys ishinara jabylady.
Bul rette Manas kóshesine qaraı qozǵalys tolyǵymen jabylady, biraq A.Pýshkın kóshesine qaraı qozǵalys ashyq bolady.
Jumystyń birinshi kezeńi aıaqtalǵannan keıin kólik qozǵalysy ózgeredi: Pýshkın baǵytyndaǵy kólik qozǵalysy jabylady, al Manas baǵytyndaǵy kólik qozǵalysy ashyq bolady.
Aıta ketelik astanada ortalyq kóshelerdiń biri 5 aıǵa jabylǵan edi.