Astanada jol polıtsııalary jemis-jıdek, kókónis jáne adamdardy tıegen jolaýshylar avtobýsyn qolǵa túsirdi
ASTANA. Maýsymnyń 10-y. QazAqparat /Murat Jákeev/ - Astanada «Qyzyljar» beketinde sársenbi, maýsymnyń 9-y kúni jol polıtsııalary jolaýshylar men júk tasymaldaý erejesin buzǵan «Mercedes-Benz» jolaýshylar avtobýsyn qolǵa túsirdi,
dep habarlaıdy elordalyq jol polıtsııa basqarmasynyń baspasóz qyzmeti.
Tasymaldaý kóliginiń ishi jartylaı alma men qyzanaqqa toly bolǵan. Sondaı-aq onyń ishinde tipti avtobýstyń edenine otyrǵan ózbek ultynyń 26 jolaýshysy bolǵan.
Baspasóz ortalyǵy taratqan aqparatta atalyp ótilgendeı, «avtobýs Saryaǵash qalasynan Petropavlǵa bara jatqan. Júrgizýshi jolaýshy jáne júk tasymalynyń erjesin buzǵan, bul jol polıtsııalarynyń hattamasynda kórsetilgen».
