Astanada jol qozǵalysyn baqylaıtyn 70 júıe ornatyldy
ASTANA. QazAqparat - Astanada qarqyndy jol qozǵalysy aýmaqtarynda kólikterdiń qozǵalysy men jaıaý júrginshilerdiń jol erejelerin saqtaýyn qadaǵalaý maqsatynda jol qozǵalysyn baqylaıtyn 70 júıe (beınekamera) ornatyldy.
Bul «Red speed» avtomattandyrylǵan jyldamdyq ólshegish júıeleri men 13 «Integra-KDD» jol qozǵalysyn baqylaıtyn júıe, dep habarlaıdy astana.gov.kz. Astana qalasy ІІD ÁPB ákimshilik tájirıbe bóliminiń basshysy Tahır Ábdýrahmanovtyń aıtýynsha, atalmysh qurylǵylar kóliktiń jyldamdyǵyn arttyrýy, baǵdarshamnyń qyzyl shamyna ótip ketýi, toqtaý syzyqtaryn kesip ótýi tárizdi jol qozǵalysynyń erejelerin buzýyn tirkep jazyp alyp otyrady. Barlyq tirkelgen zań buzýshylyqtar avtomatty túrde ІІD ÁPB protsestik ortalyǵyna jiberiledi. Zań buzýshylyq tirkelgen qujattar, fotofıksatsııamen birge sol tulǵanyń turǵylyqty meken-jaıyna jiberiledi. Polıtsııa qyzmetkerleriniń aıtýynsha, kóp jylǵy tájirıbe kórsetkenindeı, «Red Speed» júıesi ornatylǵan jerlerde bolǵan kólik apattarynda adam ólimi oryn almaǵan. Aıta keteıik, atalmysh júıeniń kómegimen ústimizdegi jyldyń úsh aıynda 8 328 jol-kólik erejesin buzý faktisi tirkeldi.
