Astanada Jol qozǵalysy jas ınspektorlarynyń aýdandyq sleti ótýde
ASTANA. 14 naýryz. QazAqparat -Astanada Jol qozǵalysy jas ınspektorlarynyń (JQJI) aýdandyq sleti ótip jatyr. Bul týraly ІІD Jol polıtsııasy basqarmasynan habarlady.
Eki kúnge jalǵasatyn slet «Jol qozǵalysy jas ınspektorlarynyń bolashaǵy bar» uranymen ótip jatyr.
1973 jyly Tselınograd kezinde qurylǵan JQJI qozǵalysynyń maqsaty jurtshylyqty jolda júrý erejesimen tanystyrý jáne balalardyń jol-kólik apattarynda jaraqattanýynyń aldyn alý bolyp tabylady. JQJI-diń alǵashqy sleti 1974 jyly ótip, oǵan qaladaǵy sanaýly komandalar qatysty. Al búginde Astanadaǵy orta bilim beretin barlyq 65 mektepte sabaqty úzdik oqıtyn on baladan jasaqtalǵan jeke JQJI-lar bar.
Slettiń maqsaty - balalar men jasóspirimderdiń qatysýymen bolatyn jol apattarynyń aldyn alý boıynsha jumystardy jetildirý jáne osy túıitkilge quzyrly vedomstvolar, mekemeler men qoǵamnyń nazaryn aýdarý. Sondaı-aq, qalalyq sletke qatysyp, odan ári Almaty qalasynda ótetin memleketaralyq slette el namysyn qorǵaıtyn úzdik komandalardy anyqtaý bolyp tabylady.
Aýdandyq sletti bilim basqarmasy, jergilikti atqarýshy organdar jáne basqa da quzyrly zańdy tulǵalardyń qatysýymen Jol polıtsııasy basqarmasy uıymdastyryp, ótkizip otyr.
