Astanada jol-kólik oqıǵalarynyń sany kemidi
ASTANA. QazAqparat - Astanada jarty jyl ishinde jol-kólik oqıǵalarynyń sany 15 paıyzǵa kemidi. Jol apattarynyń sanyn azaıtýǵa arnaıy keshendi baǵdarlama arqyly qol jetkizýdiń múmkindigi týdy, dep habarlaıdy elorda ákimdiginiń medıaortylyǵy.
Qoǵamdyq kólikter úshin arnaıy jolaq (Busline) pen birqatar kóshelerde bir baǵytty joldyń engizilýi, turaqtardyń aqyly bolýy jáne beınebaqylaý kameralary sanynyń artýy qaladaǵy kólik apattaryn qysqartýǵa demeý bolyp otyr, dep habarlady qalanyń jergilikti polıtsııa qyzmeti.
Statıstkalyq málimetterge qaraǵanda, jalpy apat boıynsha jaǵdaı qańtar-shilde aralyǵynda 15,1 paıyzǵa kemidi. Jarty jyl ishinde 50-ge jýyq jol apattary ótken jyldyń sáıkes merzimimen salystyrǵanda az boldy.
«Ótken jyly 6 aı ishinde 337 jol-kólik oqıǵasy tirkelgen bolsa, bıylǵy jyly bul kórsetkish 286-ny qurady. Sonymen qatar jol-kólik apattarynan zardap shekkender sany da tómendep otyr. 2016 jyly qala joldarynda 374 adam zardap shekse, bıyl 291 adam osyndaı jaǵdaıǵa tap boldy»-delingen jergilikti polıtsııa qyzmeti taratqan málimetterde.
