Astanada jol-kólik apatynda jas áıel qaza boldy
ASTANA. 15 shilde. QazAqparat - Búgin shamamen saǵat 14:30-da 22 jastaǵy «Aýdı-S4» kóliginiń júrgizýshisi Bógenbaı batyr dańǵyly jaǵynan Alash kóshesine qaraı №2 jol ótpesinde júrip kele jatyp, rýlge ıe bola almaı, marshrýttyq avtobýsqa soǵyldy.
Synǵan avtobýs Bógenbaı batyr dańǵyly jaǵynan №2 jol ótpesiniń ortasynda apatty jaryq sıgnaly men apatty toqtaý belgisin jolǵa shyǵaryp, toqtap turǵan, dep habarlaıdy Astana qalasy JPB baspasóz qyzmetinen.
Atalǵan oqıǵa nátıjesinde zaqym alǵan «Aýdı-S4» avtokóliginiń jolaýshy azamatshasy aýrýhanaǵa jetkizilip, qabyldaý bólmesinde kóz jumdy. «Aýdı-S4» avtokóliginiń júrgizýshisi jáne ekinshi jolaýshy da ár túrli jaraqattarmen aýrýhanaǵa jetkizildi. Apat ornynda Astana qalasy ІІD tergeýshileri jumys júrgizýde.
Jol-kólik oqıǵasynyń sebepteri anyqtalýda.
