Astanada jol-kólik apaty bolyp, bir qyz zardap shekti
ASTANA. QazAqparat - Júrgizýshi kólikti basqara almaı jol jıeginde turǵan mashınany soǵyp, artynan sol jerden ótip bara jatqan qyzdy qaǵyp ketken, dep jazdy Kazpravda.kz.
Qaıǵyly jaǵdaı Kúıshi Dına kóshesinde boldy.
«Qazirgi tańda oqıǵanyń sebep-saldary anyqtalýda. Zardap shekken qyzdy jedel járdem kóligi alyp ketti. Al, qyzdy qaqqan júrgizýshini esirtkige tekserý úshin alyp ketti»,-dep habarlady Astana qalasynyń Іshki ister departamentinen.
«Áli ózime kele almaı otyrmyn. Mas júrgizýshi Kúıshi Dına kóshesinde jol jıegindegi kólikti sosyn qyzdy qaǵyp ketti. Qyz tipti birneshe metrge deıin ushyp tústi. Jas qyzdyń bylǵary kúrtesi qanǵa boıalǵan. Óte qorqynyshty. Jedel járdem kóligi 25 mınýttan soń keldi. Odan soń polıtsııa qyzmetkerleri de keldi. Júrgizýshi kóliginen shyqqan joq», sýrettedi bolǵan oqıǵany kórgenderdiń biri áleýmettik jelide.
Kýágerlerdiń sózderinshe, zardap shekken qyzdyń ótinishi boıynsha onyń telefonynan joldasyna habar berilgen. Oqıǵa ornyna jetken er adam áıelin qaqqan azamatqy soqqyǵa jyqpaq boldy. Alaıda, ony sol aımaqtan ótip bara jatqandar ustap qaldy.
