Astanada jol erejesin 87 ret buzǵan júrgizýshi qamaýǵa alyndy
ASTANA. KAZINFORM — Astanada jol qozǵalysy erejelerin óreskel ári júıeli túrde buzǵan júrgizýshi sot aldynda jaýap berdi.
Polıtsııanyń habarlaýynsha, ol birneshe aı boıy zań talaptaryn ádeıi elemeı, qala kóshelerin jarys jolyna aınaldyrǵan.
«Qaýipsiz jol» jedel-profılaktıkalyq is-sharasy barysynda polıtsııa qyzmetkerleri BMW avtokóligin basqarǵan 29 jastaǵy júrgizýshini anyqtady.
Ol bıylǵy naýryz ben maýsym aılary aralyǵynda 87 ret ákimshilik quqyq buzýshylyq jasaǵan. Olardyń 55-i — belgilengen jyldamdyqty asyrý, 32-si — qoǵamdyq kólikterge arnalǵan arnaıy jolaqpen zańsyz júrý, sondaı-aq qarsy baǵyttaǵy jolaqqa shyǵý faktileri.
Vedomstvo quqyq buzýshylyqtar bir rettik emes, júıeli sıpatta bolǵanyn málimdedi. Mysaly, naýryz aıynda Turan dańǵyly men Aqmeshit kóshesinde beınebaqylaý kameralary júrgizýshiniń birneshe ret saǵatyna 129–131 shaqyrym jyldamdyqpen júrgenin tirkegen.
Al maýsym aıynda ol qaýipti júrgizý mánerin jalǵastyryp, Mustafın kóshesinde saǵatyna 126 shaqyrym, al Muhamedhanov kóshesinde ruqsat etilgen 60 shaqyrymnyń ornyna saǵatyna 151 shaqyrym jyldamdyqpen júrgen.
— Mundaı kólik júrgizý tásili jol qozǵalysyna qatysýshylardyń ómiri men densaýlyǵyna naqty qaýip tóndirgen. Júrgizýshi zań talaptaryn elemeı, aınalasyndaǵylardyń qaýipsizdigine qater tóndirip, qoǵamdyq tártipke qurmetsizdik tanytqan, — delingen habarlamada.
Júıeli túrde quqyqqa qaıshy áreketter jasap, qoǵamǵa anyq qurmetsizdik bildirgeni úshin polıtsııa qyzmetkerleri ony usaq buzaqylyq faktisi boıynsha ákimshilik jaýapqa tartty. Sot sheshimimen er adam 15 táýlikke ákimshilik qamaýǵa alyndy.
Polıtsııa jol erejesin júıeli túrde buzý, agressıvti kólik júrgizý jáne basqa azamattarǵa qaýip tóndirý áreketteri jazasyz qalmaıtynyn eskertti.
