Astanada jol boıyna qurylys qoqysyn tókken júrgizýshilerge aıyppul salyndy
ASTANA. QazAqparat - Qorshaǵan ortany lastaǵany úshin júk kólikterine aıyppul salyndy, dep habarlaıdy QazAqparat ákimdiktiń saıtyna silteme jasap.
Esil aýdandyq ІІB JPQ tabıǵatty qorǵaý polıtsııasy bólimshesiniń málimetinshe, Nura-Esil arnasy men Qorǵaljyn tas jolynyń boıyna qurylys qoqystaryn tókken 2 júrgizýshi ustalǵan.
«Júrgizýshilerdiń árqaısysyna 48 myń teńge ákimshilik aıyppul salyndy, al olardyń avtokólikteri aıyppul turaǵyna áketildi. Qoqys «Nova sıtı» turǵyn úı kesheniniń qurylysy júrip jatqan nysannan shyǵarylǵandyǵy belgili boldy. Qorshaǵan ortany lastaý faktisi boıynsha materıaldar Ekologııa departamentine shara qoldaný úshin jiberildi», - delingen habarlamada.
Aıta keterligi, jyl basynan beri aýdanda belgilenbegen oryndarda qoqys tókkeni úshin 65 avtokólik ustalyp, 2 mln teńgeden asa aıyppul salyndy.
