Astanada jol apatynda 4 adam zardap shekti
ASTANA. Aqpannyń 11-i. QazAqparat - Búgin, aqpannyń 11-i kúni tańerteń Astana qalasynda jol-kólik oqıǵasy oryn aldy, 4 adam zardap shekti,
dep habarlady Qazaqstannyń Tótenshe jaǵdaılar mınıstrliginen.
Jol apaty 10 saǵat 25 mınýtta Almaty aýdanyndaǵy Táshenov jáne T.Hýseın kósheleriniń qıylysynda «GAZ» jáne «Toıota» kólikteriniń qatysýymen boldy. Onyń saldarynan eki kóliktiń júrgizýshi men «Toıotanyń» taǵy eki jolaýshysy túrli jaraqattarmen aýrýhanaǵa jetkizildi.
