Astanada jol apatynan zardap shekken qyzdarǵa qan kerek
ASTANA. QazAqparat - 23 naýryz kúni túnde Bógenbaı batyr dańǵyly men Beıbitshilik kóshesiniń qıylysynda oryn alǵan jol apatynan eki stýdent qyz qatty zardap shekken. Aýyr halde jatqan qyzdardyń jaqyndary astanalyqtardan qan tapsyrýdy ótindi, dep habarlaıdy QazAqparat.
«Sizderden kómek suraımyn. 2017 jyldyń 23 naýryzy kúni túnde, shamamen saǵat 23.30-da Bógenbaı batyr dańǵyly men Beıbitshilik kóshesiniń qıylysynda «Suzuki» markaly kólik pen Toıota Kamrı kóligi soqtyǵysty. Sýzýkı markaly kólikte meniń eki qaryndasym otyrǵan, qazir olar óte aýyr halde aýrýhanada jatyr. Dárigerler óte kóp qan kerek deıdi. Sondyqtan, Kereı-Jánibek handar kóshesinde ornalasqan Qan ortalyǵynda kún saıyn saǵat 13.30-ǵa deıin Qazbek Aıjan men Imanǵalıeva Ǵalııa úshin qan tapsyrýǵa bolady. Qan ortalyǵy sizderge qaǵaz toltyrtady, men sol qaǵazdy Travmatologııa ortalyǵyna tapsyrýym kerek», - dep jazǵan qyzdardyń aǵasy Rahat Qazbekov.
Rahat Qazbekov, sondaı-aq, sol apatty kórgen-bilgender bolsa, avtokóliktegi beınekamerasyna apat sáti túsip qalǵandar bolsa, myna telefondarǵa habarlasýyn ótinedi. 8701 262 39 08; 8707 262 3908.
Budan buryn habarlaǵanymyzdaı, 23 naýryz kúni túngi saǵat 23:05-te «Suzuki» kóligin tizgindegen 21 jastaǵy qyz Bógenbaı batyr dańǵylymen kele jatyp, Beıbitshilik kóshesine solǵa burylǵan kezde «Toyota» kóligine soǵylǵan. Ekinshi kólikti júrgizip kele jatqan 1996 jyly dúnıege kelgen júrgizýshi qarsy baǵyttatik kele jatqan .
Jol apaty saldarynan eki kóliktiń de júrgizýshisi jáne olardyń 1994, 1991 jyly dúnıe kelgen jolaýshylary túrli dene jaraqatymen aýrýhanaǵa jetkizilgen. Bul fakti sotqa deıingi tergeýdiń biryńǵaı tizilimine tirkelip, sáıkesinshe saraptamalar taǵaıyndalǵan.
