Astanada jol apatynan velosıped júrgizýshisi kóz jumdy
ASTANA. QazAqparat - Qonaev kóshesi boıynda bolǵan jol-kólik apatynda velosıped júrgizýshisi qaza tapty.
«Elordalyq polıtseıler aǵymdaǵy jyly 1 qazanda shamamen saǵat 01.00-de Qonaev kóshesi boıynda bolǵan jol-kólik apatyna qatysty QR QK 345-babyna sáıkes sot aldyndaǵy tergeý amaldaryn bastady. Tıisti saraptamalar taǵaıyndaldy. Avtomobıl kommýnaldyq turaqqa jetkizildi. Tergeý amaldary júrgizilip jatyr», - dep habarlady ІІD baspasóz qyzmetinen.
«VMW» markili kóliginiń 1994 jyly týǵan júrgizýshisi 1 qazanda saǵat 01.00 shamasynda Qonaev kóshesiniń boıymen Turan dańǵylyna qaraı júrip bara jatqanda belgilenbegen jerde joldy ótip bara jatqan velosıpedshini soǵyp ketken.
Jol-kólik oqıǵasy saldarynan 32 jastaǵy E. esimdi azamat alynǵan jaraqattardan oqıǵa ornynda jan tapsyrdy.
