Astanada jol apatynan 5 avtokólik zardap shekti
NUR-SULTAN. QazAqparat – Elordada «BMW» markaly avtokóliktiń 22 jastaǵy júrgizýshisi tizgindi basqara almaı, turaqta turǵan kólikterge soǵyldy, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
«27 qyrkúıek kúni saǵat 05:35 shamasynda «BMW» markaly avtokóliktiń 22 jastaǵy júrgizýshisi Konstıtýtsııa kóshesimen 18/1 úıge qarama-qarsy júrip kele jatyp, rýldi basqara almaı qalǵan. Sóıtip «Renault» markaly turaqqa qoıylǵan avtokólikke soqtyǵysyp, odan ári ınertsııamen «Hyundai», «Volkswagen» jáne «Toyota» avtokólikteri mehanıkalyq zaqym aldy», - delingen vedomstvo habarlamasynda.
Jol-kólik oqıǵasynan eshkim zardap shekken joq. Atalǵan fakti boıynsha «BMW» júrgizýshisine qatysty 610-bap 1-tarmaq boıynsha ákimshilik hattama toltyryldy.
Polıtsııa departamenti júrgizýshilerden jolda óte muqııat bolýdy jáne jol erejelerin qatań saqtaýdy suraıdy.
