Astanada jol apaty saldarynan tórt adam zardap shekti
ASTANA. KAZINFORM — Elordada Orynbor kóshesi men Máńgilik El dańǵylynyń qıylysynda jol-kólik oqıǵasy boldy.
Aldyn ala málimet boıynsha, «Changan» markaly avtokóliktiń júrgizýshisi solǵa burylý kezinde baǵdarshamnyń qosymsha sektsııasynyń talabyn elemeı, tyıym salynǵan belgige ótip ketken. Saldarynan qarsy baǵytta túzý kele jatqan «Mitsubishi» avtokóligine jol bermeı, soqtyǵysqan. Soqqynyń áserinen «Changan» kóligi jol jıegindegi baǵdarshamnyń metall tiregine soǵylǵan.
— Jol apaty saldarynan «Changan» avtokóliginiń júrgizýshisi men úsh jolaýshysy medıtsınalyq mekemege jetkizildi. Eki kólik te evakýatsııalanyp, kommýnaldyq aıyp turaǵyna qoıyldy, — delingen Astana qalasynyń Polıtsııa departamenti taratqan habarlamada.
Sonymen qatar eki júrgizýshide de masańdyq belgileri anyqtalmaǵany belgili.
— Atalǵan jol-kólik oqıǵasy boıynsha tekseris júrgizilip jatyr. Oqıǵanyń barlyq mán-jaıy anyqtalady, — dep tolyqtyrdy vedomstvo.
Eske sala keteıik, Astanada taǵy bir velosıped mingen balany kólik qaǵyp ketti.
