Astanada jol apatynan 24 jastaǵy azamat mert boldy

ASTANA. KAZINFORM – Elordada jol apatynan Toyota Land Cruiser kóliginiń júrgizýshisi mert boldy.

Astana qalalyq polıtsııa departamenti baspasóz qyzmetiniń habarlaýynsha, jol apaty seısenbi kúni Qaldaıaqov kóshesiniń boıynda boldy.

Aldyn ala málimetter boıynsha, 24 jastaǵy júrgizýshi «Arys» kópiriniń boıymen kele jatyp, kólikti basqara almaı qalǵan. Sonyń saldarynan kólik aýdarylyp, joldyń qarsy betine shyǵyp ketip, ózge eki kólikpen soqtyǵysqan.

Júrgizýshi alǵan jaraqattarynyń saldarynan oqıǵa ornynda kóz jumdy. Osy ýaqytta jol apaty boıynsha sotqa deıingi tergeý júrip jatyr.

Osyǵan deıin Almatyda jantúrshigerlik jol apatynan úsh adam zardap shekkeni týraly jazdyq.