Astanada jol apatynan 2 aıaǵynan aıyrylǵan qyz úıden oqıdy
ASTANA. KAZINFORM – Elordada jol apaty kezinde 2 aıaǵynan aıyrylǵan qyz úıden oqıdy. Bul týraly Parlament palatalarynyń birlesken otyrysynan keıin Oqý-aǵartý mınıstri Ǵanı Beısembaev aıtty.
- Qoldanystaǵy barlyq zańǵa sáıkes, bala úıinen oqýy tıis. Ońaltý protsesinen keıin oqýyn mektepte jalǵastyrý múmkindigin qarastyrýǵa da bolar. Bul uzaq protsess. Qalaı desek te, qaıǵyly oqıǵa taıaýda ǵana boldy. Sondyqtan qalaı bolatyndyǵyn aıta almaımyn, - dedi mınıstr BAQ ókilderiniń saýalyna oraı.
Ǵanı Beısembaev eń aldymen balanyń pshologııalyq jáne fızıkalyq saýlyǵyna qamqorlyq tanytý óte mańyzdy ekenin aıtady. Odan keıin akademııalyq bilim alý jaıyn qozǵaýǵa bolady.
2 maýsymda Astanada avtobýs júrgizýshisi rólge ıe bola almaı, jol jıegindegi baǵanǵa soqtyǵysty.
Jol apatynan bir zardap shegýshiniń jaǵdaıy aýyr ekeni, ota jasalatyny aıtyldy. Keıin zardap shekken 1 jolaýshynyń aıaǵyna ampýtatsııa jasalǵany belgili boldy.
Aıta keteıik, Astanadaǵy avtobýs apatynan aıaǵynan aıyrylǵan qyz bala memlekettik járdemaqy alady.