Astanada jol aqyny tóleýdiń elektrondy júıesin paıdalanýshylar sany artýy kútiledi
ASTANA. QazAqparat - Astanada jol aqysyn tóleýdiń elektrondy júıesin paıdalanýshylar sany kóptep artady. Bul týraly búgin Astanada «ASTRA PLAT» jol aqysyn tóleýdiń elektrondy júıesiniń birinshi daıyndyq kezeńiniń engizilýine baılanysty ótken baspasóz máslıhatynda málim boldy.
«Jol aqysyn tóleýdiń elektrondy júıesin engizýdiń arqasynda jalpy jınalatyn qarjynyń kólemi artady dep boljap otyrmyz.
Qazirgi kezde aqshanyń qandaı da bir bóligi «kóleńkede» qalyp otyrǵany barshasyna belgili. Jol aqysyn tóleýdiń elektrondy júıesiniń kómegimen biz saladaǵy ashyqtyqty arttyramyz», - dep toqtaldy Astana qalasy Kólikti dıspetcherlendirý ortalyǵynyń basshysy Baıyrjan Seıitov.
Onyń sózine qaraǵanda, qolma-qol eseptesý saqtalady, alaıda júıedegi bonýstar men profıtterdiń arqasynda elektrondy kartalardy ustaýshylardyń sany kóbirek bolmaq.
Budan bólek «kóleńkede» qalatyn aqsha máselesine toqtalǵan ol: «búginde týra esepteýler júrmegendikten, naqty somany aıtý qıyndaý. Máselen, qalada adamdar avtobýstarǵa kóptep otyratyn ýaqyttarda kondýktor barlyǵyna bılet berip úlgermeıtin jaǵdaılar bolady», - dedi B. Seıitov.
