Astanada joǵary bilim kóshbasshylarynyń V Eýrazııalyq forýmy bastaldy

ASTANA. QazAqparat - Nazarbaev ýnıversıtetinde Joǵary bilim kóshbasshylarynyń V Eýrazııalyq forýmy bastaldy. Bıylǵy forým taqyryby - «Joǵary bilim jáne ekonomıkany jańǵyrtý: ınnovatsııalyq jáne kásipkerlik JOO-lar».

Joǵary bilim kóshbasshylarynyń Eýrazııalyq forýmyna Ulybrıtanııa, Izraıl, Qytaı, Ázerbaıjan, Belarýs, Qyrǵyzstan jáne AQSh-tan 300 delegat qatysyp jatyr.

Forým barysynda bilim men ǵylymnyń jańa jetistikterin jınaqtaı bilgen Nazarbaev Ýnıversıtetiniń tájirıbesin basqa JOO-larǵa qoldaný tásilderi talqylanady. Nazarbaev ýnıversıtetiniń professorlary men qyzmetkerleri ýnıversıtettegi akademııalyq sapa, korporatıvti basqarý, ǵylymı zertteýlerdi júrgizý, ınklıýzıvti bilim berý máseleleri boıynsha dárister ótkizbek.

Plenarly otyrysta Tel-Avıv ýnıversıtetiniń prezıdenti Djozev Klafter, L.Gýmılev atyndaǵy Eýrazııa Ulttyq ýnıversıtetiniń rektory Erlan Sydyqov, Almaty menedjment ýnıversıtetiniń prezıdenti Asylbek Qojahmetovter negizgi spıkerler retinde sóz alady dep kútilýde.