Astanada Joǵary Eýrazııalyq ekonomıkalyq keńestiń otyrysy bastaldy
ASTANA.KAZINFORM — Búgin elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Joǵary Eýrazııalyq ekonomıkalyq keńestiń otyrysy bastaldy.
Bul jıynǵa Qyrǵyzstan Prezıdenti Sadyr Japarov, Reseı Prezıdenti Vladımır Pýtın, Belarýs Prezıdenti Aleksandr Lýkashenko, Armenııa vıtse-premeri Mger Grıgorıan keldi.
Bıyl Qazaqstan Respýblıkasy EAEO organdaryna tóraǵalyq etip otyr. Memleket basshysy Qasym-Jomart Toqaev 2025 jylǵy 31 jeltoqsanda EAEO memleketteri basshylaryna joldaǵan úndeýinde Qazaqstan tóraǵalyǵynyń negizgi basymdyqtaryn aıqyndady.
Olar: jasandy ıntellektini ekonomıkalyq ıntegratsııany damytýdyń jańa quraly retinde damytý, EAEO logıstıkalyq keńistiginiń áleýetin paıdalaný, ónerkásip pen agroónerkásip keshenin tsıfrlandyrý, ózara saýdadaǵy ákimshilik kedergilerdi qysqartý jáne úshinshi eldermen ekonomıkalyq yntymaqtastyqty keńeıtý.
Qazaqstan Respýblıkasynyń tóraǵalyǵy aıasynda 2026 jylǵy 28–29 mamyr kúnderi Astana qalasynda Joǵary Eýrazııalyq ekonomıkalyq keńestiń kezekti otyrysy men Eýrazııalyq ekonomıkalyq forýmyn ótkizý josparlanǵan.
Jalpy alǵanda, Qazaqstan EAEO quqyǵynda bekitilgen ornyqty ekonomıkalyq damýdy qamtamasyz etý, ulttyq ekonomıkalardy jan-jaqty jańǵyrtý, olardyń básekege qabilettiligin arttyrý jáne azamattardyń ál-aýqatyn jaqsartý baǵytyndaǵy negizgi maqsattar men qaǵıdattardy júıeli ári dáıekti túrde iske asyrýdy jalǵastyrýǵa nıetti.
Eske salsaq, 28 mamyrda memleket basshylarynyń qatysýymen V Eýrazııalyq ekonomıkalyq forýmnyń (EEF-2026) plenarlyq otyrysy ótti.
Qazaqstan Prezılenti qazir Eýrazııalyq ekonomıkalyq odaǵynyń áleýetin odan ári arttyryp, qarqyndy damytý jóninde strategııalyq mańyzdy mindeti turǵanyn aıtty.
