Astanada joǵarǵy oqý oryndary arasyndaǵy eń úzdik ustaz anyqtaldy (FOTO)
ASTANA. QazAqparat - Búgin Bilim jəne ǵylym mınıstri Aslan Sərinjipov birqatar oqytýshylarǵa «Joǵarǵy oqý oryndary arasyndaǵy eń úzdik ustaz - 2015» ataǵyn tapsyrdy.
«2015 jyldyń qorytyndysy boıynsha 61 oqý ornynan barlyǵy 200 oqytýshyǵa osy marapatqa ıe boldy. Úzdik oqytýshylardyń 42 paıyzy - ǵylym doktorlary, 53 paıyzy professorlar eken. Bul ustazdar Qazaqstan ekonomıkasynyń ər salasyna qajetti bilikti jastardy oqytyp jatqanyna senimdimin. Otandyq bilimniń damýyna da osyndaı jan-jaqty ustazdardyń qosar úlesi zor», - dedi Bilim mınıstri.
Bul grant ıeleri Ulybrıtanııa, Germanııa, Frantsııa, Italııa, Ispanııa, Belgııa, Polsha, Chehııa, Vengrııa, Shvetsııa, Avstrııa, Bolgarııa, Lıtva, Latvııa elderiniń eń jaqsy oqý oryndarynda təjirıbeden óte alady. Sondaı-aq, ərbir úzdik ustazǵa 2000 qysqa aılyq eseptik kórsetkish kóleminde memlekettik grant beriledi. Mınıstrliktiń məlimetine súıensek, bul maqsatqa respýblıkalyq bıýdjetten 848,4 mln myń teńge bólingen.
«Úzdik ustaz bir jyl ishinde ərtúrli halyqaralyq, respýblıkalyq ǵylymı konferentsııalarǵa, ərtúli kongresster men semınarlarǵa qatysa alady. Osylaısha, memleket bilimdi maman oqytatyn bilikti ustazdarǵa jan-jaqty qoldaý kórsetip otyr»,-dedi A.Sərinjipov.
