Astanada joǵalyp ketken jigit úsh kúnnen soń tabyldy
ASTANA. QazAqparat - 3 kún boıy zdestirilgen 23 jastaǵy Rústem Ospanov tabyldy. Bul týraly áleýmettik jeli arqyly onyń ápkesi habarlady.
R.Ospanov týysynyń sózine qaraǵanda, ol din aman, densaýlyǵyna esh qaýip tónbegen. Biraq ol inisiniń qalaı joǵalǵanyn jáne qalaı tabylǵanyn jazbady.
Eske sala keteıik, R.Ospanovtyń joǵalǵany jaıly aqparat áleýmettik jelilerde paıda bolǵan. «R.Ospanov 5 jeltoqsanda úıinen ketip, osy ýaqytqa deıin kelmegen. Sońǵy ret ony dosy kórgen. Rústem dosyn óziniń qara «Lada Prıorasymen» (032 DTA aımaq 01 úıine aparyp), keıin belgisiz baǵytta ketken. Sodan beri onyń qaıda ekeni belgisiz», - dep jazylǵan sýretiniń astynda.
Ony izdeýge polıtseıler men týystary ǵana emes, sonymen qatar áleýmettik jelini paıdalanýshylar qosyldy.
