Astanada joǵalyp ketken Grýzııa azamatynyń denesi tabyldy
ASTANA. QazAqparat - Elordada birneshe kún buryn joǵalyp ketken Grýzııa azamatynyń denesi tabyldy, - dep habarlaıdy «QazAqparat» HAA tilshisi.
«1992 jyly týǵan Grýzııa azamatynyń denesi Qorǵaljyń tas jolyndaǵy saıajaıdan tabyldy, denesinde qasaqana óltirý belgileri joq», - delingen elordalyq Іshki ister departamentiniń baspasóz qyzmeti habarlamasynda.
Oqıǵa boıynsha QR Qylmystyq kodeksiniń 105-baby boıynsha sotqa deıingi tekserý jumystary júrgizilip jatyr, sot-medıtsınalyq saraptama taǵaıyndaldy. Buǵanǵa deıin BAQ 18 mamyr kúni 25 jastaǵy Archıl Davıtadzeniń iz-túzsiz joǵalǵandyǵyn habarlaǵan bolatyn. Jas jigit jumystan shyǵyp, úıine qaıtyp oralmaǵan. Sońǵy ret ony Imanov jáne Ýalıhanov kósheleri qıylysy mańynan kórgen. Massaj jasaýshy bolyp jumys istegen onyń áıeli jáne qyzy bar bolyp shyqty.
