Astanada joǵalyp ketken bala tabyldy
ASTANA. QazAqparat - Keshe Astanada joǵalyp ketken 14 jasar Ańsar Amangeldi aman-esen tabyldy, dep habarlaıdy QazAqparat uldyń anasyna silteme jasap.
Úıden shyqqan baladan 16 saǵat boıy habar bolmaǵasyn, týystary dabyl qaqqan edi.
Olardyń aıtýynsha, Ańsardy izdestirý jumystaryna astanalyq polıtsııa da jumyldyryldy.
Dostar men týystardyń jáne quqyq qorǵaý organdarynyń birlese kúsh salýymen Ańsar túnde tabyldy.
Aıta keteıik, joǵalǵan bala týraly aqparat áleýmettik jeliler men WhatsApp messendjerinde taralǵan edi. Onda 2003 jyly týǵan balanyń «Albıon» turǵyn úı kesheninen shyǵyp, iz-túzsiz joǵalǵany aıtylǵan.
