Astanada joǵalǵan zeınetker es-tússiz kúıinde qamys arasynan tabyldy
ASTANA. QazAqparat - Astana qalalyq Іshki ister departamentiniń jedel izdeý toby 30 tamyz kúni joǵalǵan 75 jastaǵy qala turǵynyn aman-esen tapty.
Anyqtalǵandaı, ara-tura esin joǵaltatyn qarııa adasyp ketken jáne eki kún boıy qamys arasynda es-tússiz hálde jatqan.
«30 tamyz kúni keshki saǵat 23.00 shamasynda elorda turǵyny polıtsııaǵa ákesiniń joǵalǵandyǵy týraly ótinish túsirdi. 75 jastaǵy er adam «Gaz apparatýrasy» aýdanyndaǵy saıajaılardyń arasynda joǵalǵan. Anyqtalǵandaı, sol kúni otbasy saıajaıǵa demalýǵa shyǵyp, qart ákeleriniń esikten shyǵyp ketkenin baıqamaı qalǵan. Er adam ara-tura esin joǵaltatyn dertke shaldyqqan»,-dep habarlady Astana qalalyq Іshki ister departamentiniń baspasóz qyzmetinen.
Іzdeý sharalarynyń arqasynda polıtsııa qyzmetkerleri eki kúnnen keıin Ivan Kotov esimdi azamatty es-tússiz jatqan kúıinde qamys arasynan tapqan. 75 jastaǵy qarııanyń hali qazir jaqsy.
