Astanada joǵalǵan stýdenttiń denesi Esil ózeninen tabyldy
ASTANA. QazAqparat - 12 maýsymda shamamen saǵat 20.00-de Esil ózeninen Erkebulan Spandııardyń denesi tabyldy, dep habarlady Astana q. ІІD baspasóz qyzmetinen.
Polıtsııa qyzmetkerleri tergeý amaldaryn júrgizdi. Týystary máıittiń osyǵan deıin joǵalǵan E. Spandııardiki ekenin rastady. Tıisti saraptamalar taǵaıyndaldy.
Osyǵan deıin, aǵymdaǵy jyly 8 maýsymda Astana q. «Saryarqa» aýdandyq ІІB-ine Astana qalasynyń turǵyny 7 maýsymda shamamen saǵat 07:30-da onyń 18 jastaǵy uly Erkebulan Spandııar úıinen ýnıversıtetke ketip, oralmaǵanyn aıtyp barǵan.
Atalǵan fakt boıynsha izdeý isi ashyldy. Іzdeý sharalaryna Astana q. ІІD búkil quramy, QR ІІM Ulttyq gvardııasynyń áskerıleri, jurtshylyq tartyldy, Almaty qalasy men barlyq oblystyq ishki ister departamentterine, kóliktegi ishki ister bólimderine tıisti habarlama jiberildi.
