Astanada joǵalǵan kásipkerdiń denesi Aqmola oblysynan tabyldy
KÓKShETAÝ. KAZINFORM – Astanada joǵalǵan kásipkerdiń denesi Aqmola oblysynyń Tselınograd aýdany aýmaǵynan tabyldy. Qozǵalǵan qylmystyq isti astanalyq polıtseıler tergep jatyr.
Aqmola oblysy PD qyzmetiniń málimetinshe, Astana turǵynynyń ólimine baılanysty «Kisi óltirý» baby boıynsha qylmystyq is qozǵalǵan.
«Іsti tergeý aıasynda qajetti tergeý áreketteri júrgizilýde. Іs aýmaqtyq jaǵynan Astana qalasynyń polıtsııa departamentine beriledi», - dep túsindirdi vedomstvodan.
PD baspasóz qyzmetinen atap ótkendeı, Qylmystyq protsessýaldyq kodekstiń 201-babyna sáıkes ózge aqparat jarııa etilmeıdi.
Aıta ketsek, budan buryn Býrabaıda áıeldiń kúıgen denesi tabylǵanyn jazǵan edik. Sondaı-aq Stepnogor qalasynda medıtsınalyq anyqtamalardy qoldan jasaý deregi anyqtalǵanyn habarlaǵan bolatynbyz.
