Astanada joǵalǵan er adam tórt kúnnen beri tabylmaı jatyr
ASTANA. QazAqparat - Astanada 29 jastaǵy Nıkolaı Enshın iz-túzsiz joǵaldy. Ony týystary tórt kúnnen beri taba almaı jatyr, dep habarlaıdy «QazAqparat» HAA tilshisi.
Ulynyń joǵalǵany týraly habardy anasy Natalıa áleýmettik jelide jarııalady. Astananyń qaıyrymdy turǵyndary habardy ınternette taratýda.
Ulyn izdep sharq urǵan ananyń qurbysy Gúlnárdyń aıtýynsha, Nıkolaı 27 jeltoqsan kúni telefonyn qýat kózine jalǵap, mashınasynyń jylytqyshyn qosylǵan kúıinde qaldyryp ketken. Nıkolaıdyń áıeli jáne eki qyzy bar. Olar áıeliniń ata-anasymen turady. Nıkolaı ishpeıdi, shekpeıdi, minezi jaıdary, qaıyn atasymen birge jumys isteıdi.
1988 jyly týǵan Nıkolaı Enshın 27 jeltoqsan kúni 11:20 men 13:00-diń arasynda jumystan shyqqan. Keńsesi Esil tuıyq kóshesi, 13-úıde ornalasqan. Boıy shamamen 188 sm, dene bitimi shymyr, qysqa shashty, kók kózdi. Ústinde uzyn qara kúrteshe, kók djınsy bolǵan.
Týystary ol jaıly aqparatqa ıe bolǵandardan: 87014005873, 87015883588, 87015055580 nómirlerine habar berýin suraıdy.
