Astanada joǵalǵan eki bala tabyldy
NUR-SULTAN. QazAqparat – Ulttyq ulan sarbazdary astanada keshqurym joǵalyp ketken eki balany jedel taýyp, ata-anasyna qaıtardy, dep habarlaıdy QazAqparat.
«Birinshi jaǵdaıda, saǵat keshki 19.30 shamasynda áıel Botanıkalyq baqta 5 jasar balasyn taba almaı júrgenin aıtyp, áskerı narıadtyń bastyǵy Dmıtrıı Vlasovqa, patrýldegi Dmıtrıı Voıkın men Asylhan Erkebaevqa júgingen. Dmıtrıı Vlasov izdeý jumystaryna basqa áskerı narıadty da jumyldyryp, birneshe mınýttyń ishinde olar baq ishinde adasqan balany taýyp aldy. Ol sheshesine qaıtaryldy», - delingen QR Іshki ister mınıstrliginiń habarlamasynda.
Dál sol kúni, saǵat 21.00 ýaqytynda «Jeruıyq» baǵynda áskerı narıadtyń bastyǵy Aıbek Tólegenovke 10 jastaǵy Elhan atty balasyn joǵaltqan áıel taıanǵan. Aıbek te joǵaryda atalǵan áriptesiniń áreketindeı búkil narıadqa habar bergen.
«Jarty saǵattyń ishinde áskerı narıadtyń bastyǵy Taıyr Shaıhıev pen patrýldegi Baqytjan Dabyldaev, Erbolat Joldybaı kóshelerdi tekserip júrip, Abylaı han kóshesinen álgi balany tapty», - delingen habarlamada.
